Saltar a contenidos

Normalización llingüística

Navegación

Menú principal

Alcuentros con autores en Turón

Imagen de complemento Ampliar imatge
ALCUENTROS CON AUTORES
NUEVA TEMPORADA: INSCRIPCIONES

ALCUENTROS CON AUTORES
(Club de llectura n’asturianu)

El Serviciu de Normalización Llingüística, en collaboración cola Biblioteca “Vital Aza” de Mieres del Camín y la Biblioteca P. M. Atenéu de Turón, va entamar un nuevu cursu del ciclu “Alcuentros con autores” (Club de Llectura n’asturianu).
Consistirá na entrega mensual d’un llibru d’un autor o autora n’asturianu y l’alcuentru lliterariu colos mesmos al fin de mes.
Ábrese’l plazu d’inscripción a lo llargo del mes de setiembre, confirmándose l’aniciu nel mes d’ochobre, desarrollándose na Biblioteca P. M. Atenéu de Turón y na Biblioteca “Vital Aza” de Mieres del Camín.
Esti añu ufiértase como novedá la creación del Club de llectura n’asturianu na Biblioteca “Vital Aza” de Mieres del Camín, contando cola esperiencia y bona acoyida del ciclu “Alcuentru con autores” que, dende va años, vien desarrollándose nel Atenéu de Turón, diversificando l’actividá pa que se puea disfrutar d’ella en diferentes llugares del conceyu.

Inscripción:
Hasta’l 30 de setiembre.
Serviciu de Normalización Llingüística. Casa de Cultura “Teodoro Cuesta”
De llunes a vienres: de 10 a 14 h.
Corréu: llingua@ayto-mieres.es
Tfnu: 985 45 06 66 (Secretaría)

Atenéu de Turón
Corréu: ateneudeturon@gmail.com
Tfnu: 985 43 27 10