Saltar a contenidos

Normalización llingüística

Navegación

Menú principal

Alcuentros con autores en Turón

Imagen de complemento Ampliar imatge
ALCUENTROS CON AUTORES
Consuelo Vega: Más espeso que l'agua

ATENÉU DE TURÓN
Presentación del llibru de rellatos Más espeso que l’agua de Consuelo Vega. Vienres 21 de payares a les 19:00 h.
Dientro del ciclu “Alcuentros con autores” va celebrase la presentación del llibru de rellatos Más espeso que l’agua de Consuelo Vega que compartirá la so obra col “Club de Llectura n’asturianu” del Atenéu de Turón.
L’alcuentru ta abiertu a toles persones que quieran asistir, xunto colos/les integrantes del Club de Llectura.
Les narraciones que recueye Consuelo Vega nesti llibru son un actu d’atención: dedíquense a contar cachinos de vida d’unos personaxes colos que nos cruciamos a diariu, ensin qu’arreparemos muncho nellos. Les confidencies inesperaes nuna sesión de depilación, el sentimientu tráxicu de quien intenta alcontrar futuru lloñe de la tierra, la vieya alcohólica y acabada, la desesperación ente la enfermedá, el regustu dulce de la infidelidá, la confianza nel futuru... son dalgunos de los temes qu’afayen sitiu nuna prosa directa y llimpia, ensin adornos, intensa y precisa.
Presenta Ánxel Álvarez Llano (Serviciu de Normalización Llingüística de Mieres)