Saltar a contenidos

Normalización llingüística

Navegación

Menú principal

Noticies

Buscador

Imagen de complemento Ver galería Ampliar imatge
29/10/2015

El martes 27 d’ochobre a les 10:30 h. entregáronse los premios de la tercer edición del Concursu de Rellatos Curtios “Conceyu de Mieres”, correspondiente al añu 2014, pa estudiantes de secundaria nel Auditoriu Teodoro Cuesta.

Al concursu que convoca’l Conceyu Mieres a traviés del Serviciu de Normalización Llingüística puen presentase los estudiantes de secundaria de cualquier Institutu d’Asturies.

Nesta tercer edición resultó ganadora María Méndez Arias, del IES Aramo d’Uviéu, col rellatu tituláu Mio seronda. Los finalistas fueron Jorge Ruisánchez Mier, del CPEB Las Arenas (Cabrales), col rellatu Ente montañes y Miryam Herrera Busto, del IES Aramo d’Uviéu, col rellatu tituláu Menudu branu.

Nel trescursu del actu, los alumnos galardonaos lleeron los rellatos ganadores y tres la entrega de premios y la proyección del curtiumetraxe “Piquinu” de la realizadora Sonia Férnandez, llegó la despidida con “El Cantar del vasu”, de Pablo Quiroga.  Asistieron al mesmu alumnos y profesores de los institutos a los que pertenecen los ganadores.

Don Fernando Padilla, Director Xeneral de Planificación y Normalización Llingüística, dedicó unes palabrae a los asistentes, participando tamién don José Luis Remis, responsable d’Educación del Serviciu de Planificación y Normalización Llingüística y don Juan González, conceyal d Empléu del Ayuntamientu de Mieres, en representación del alcalde, don Aníbal Vázquez y del concejal d’Educación y Politica Llingüística, don Faustino Zapico que nun pudieron asistir al actu.

 

Imagen de complemento Ampliar imatge
25/10/2015

CONCEYU DE MIERES / BANDOS DE L’ALCALDÍA

 

El Conceyu de Mieres yá publica los bandos de l’alcaldía n’edición billingüe castellanu/asturianu. Puen consultase na páxina web del Ayuntamientu que d’esta manera quier facer visible y fomentar l’usu de lasturianu ente la ciudadanía.

Los bandos puen consultase nesti enllace: sedeelectronica.ayto-mieres.es/portalMieres/sede/se_contenedor1.jsp

 

Imagen de complemento Ver galería Ampliar imatge
25/10/2015

El xueves 22 d’ochobre de 2015 nel Atenéu de Turón, Antón García participó nel ciclu Alcuentros con Autores presentando la so novela “Crónica de la lluz y la solombra”. L’escritor compartió coles intregantes del Club de llectura bona parte de les claves de la narración y otros aspectos de la obra qu’algamara’l premiu de narrativa “Xosefa Xovellanos” nel añu 2014.

     Antón García, de Tuña (conceyu de Tinéu), nació n’agostu de 1960. Poeta, narrador y traductor, tien publicaes otres dos noveles enantes d’esta: El viaxe en 1987 y Díes de muncho en 1998 (que lleva cuatro ediciones n’asturianu y ta traducida al español). Tamién editó un breve llibru de relatos, Xente tan cerca (2009).

     Empieza a publicar poesía en 1984; en 2007 recueye la so obra poética nun volume que titula La mirada aliella, traducíu al español en 2011 como La mirada atenta.

     Amás de lliteratura infantil (El pelegrín valiente, 1993) o d’ensayu políticu (Del centru a la periferia, xunto con Consuelo Vega, en 1994), ye autor de dellos llibros qu’estudien la lliteratura asturiana: el manual Lliteratura asturiana nel tiempu (1994), los dos tomos de Xeneraciones y dexeneraciones (2007 y 2011) o Na cuerda floxa (primer cuadernu de llectures), de 2013. Editó la obra d’escritores como González Villar, Acebal, Fernán-Coronas, Ángeles López Cuesta o los narradores de los dos últimos sieglos. Traductor al asturianu d’Álvaro Cunqueiro, Eugénio de Andrade, Joan Vinyoli o Clarice Lispector, fundó y foi director de Llibros de Frou ente 1983 y 1986, y d’Ediciones Trabe ente 1992 y 2007; actualmente dirixe Saltadera y la revista asturiana de cultura Campo de los Patos

 

Imagen de complemento Ampliar imatge
20/10/2015

El martes día 27 d’ochobre de 2015 va celebrase l’actu oficial d’entrega del Premiu “Teodoro Cuesta” de poesía n’asturianu correspondiente a la XXIV edición, que se desarrollará nel salón de plenos de la Casa Conceyu, a les 12:00 hores.

L’escritor Elías Veiga recibirá’l premiu correspondiente como ganador de la convocatoria del añu 2014 pol poemariu tituláu La casa.

Esi mesmu día va fallase la XXV edición, correspondiente al añu 2015. El concursu “Teodoro Cuesta” vien celebrándose dende l’añu 1991 y considérase’l más prestixosu  dientro de los que se convoquen n’Asturies nel ámbitu de la poesía. Ente los sos ganadores figuren los más reconocíos autores del Surdimientu.

El Premiu lleva'l nome n'honor del que fuera'l más grande poeta de la so época, Teodoro Cuesta, natural de la villa de Mieres del Camín, na que naciera'l 9 de payares de 1929, morriendo na d'Uviéu, el día primeru de febreru de 1895.

Imagen de complemento Ampliar imatge
19/10/2015

PREMIU “CONCEYU DE MIERES” DE RELLATOS CURTIOS

Imagen de complemento Ampliar imatge
13/10/2015

ATENÉU DE TURÓN

Presentación de la novela Crónica de la lluz y la solombra d’Antón García. Xueves 22 d’ochobre  de 2015, a les 19:30 hores.

Dientro del ciclu “Alcuentros con autores” va celebrase la presentación de la novela Crónica de la lluz y la solombra d’Antón García que compartirá la so obra col “Club de Llectura n’asturianu” del Atenéu de Turón.

L’alcuentru ta abiertu a toles persones que quieran asistir, xunto colos/les integrantes del Club de Llectura.

La obra algamó’l 35 Premiu de novela “Xosefa Xovellanos”. Basada en fechos históricos, Antón García ocúpase nesta novela de facer, ensin tremendismu, la crónica obxetiva d’aquellos sucesos y de la época na qu’ocurrieron. Remana hábilmente’l relatu oral, la documentación histórica y la ficción pa componer un retratu precisu de los personaxes y de les sos llaceries, onde nun falten l’allegría de la vida, l’humor nin l’amor.

     Crónica de la lluz y la solombra afonda nes pasiones humanes y atrapa al llector ensiguida con una prosa áxil y amañosa, devolviendo a la vida, convertíos en lliteratura, a los protagonistes d’un drama que conmovió profundamente la sociedá d’entesieglos.

 

78 Registros encontrados.
<Página  1 | 2 | 3 | 4 | 5 | 6 | 7 | 8 | 9 | 10 | >>>