Saltar a contenidos

Normalización llingüística

Navegación

Menú principal

Noticies

Buscador

Imagen de complemento Ampliar imatge
05/11/2014

La Conseyería d’Educación, Cultura y Deporte celebra un añu más el V Día de les Ciencies Asturianes, con un actu dirixíu a la comunidá escolar que vincula’l saber científicu y el so desenvolvimientu n’asturianu y gallego-asturianu.

Nesta ocasión, un equipu de trabayu coordináu polos Colexos Oficiales d’Inxenieros n’Informática y Inxenieros Técnicos n’Informática del Principáu d’Asturies va desenvolver el tema "El viaxe de les palabres na rede. Los peligros del mundu dixital".

Vienres, 7 de payares del 2014. 11:00 hores.

Teatru de Llaboral Ciudá de la Cultura (Xixón).

 

Medios Ampliar imatge
27/10/2014

Conseyería d’Educación, Cultura y Deporte.

Resolución de 22 d’ochobre del 2014, de la Conseyería d’Educación, Cultura y Deporte, pola que se conceden subvenciones a medios de comunicación pa la normalización social del asturianu y, nel so ámbitu, del gallego-asturianu.

L'oxetu d'esta llinia d'actuación ye la concesión d'ayudes económiques en réxime de concurrencia competitiva a empreses periodístiques, radiofóniques, televisives o d'Internet, poles inversiones realizaes na producción d'espacios onde s'utilice l'asturianu, o'l gallego-asturianu nel so ámbitu, demientres l'añu 2014.

Xurde Ampliar imatge
21/10/2014

ATENÉU DE TURÓN

Presentación de la novela “Si’l temblor niega’l fríu” de Xurde Álvarez. Miércoles 29 d’ochobre a les 19:30 h.

Dientro del ciclu “Alcuentros con autores” va celebrase la presentación de la novela “Si’l temblor niega’l fríu” de Xurde Álvarez que compartirá la so obra col Club de Llectura n’asturianu del Atenéu de Turón. L’alcuentru ta abiertu al públicu en xeneral.

Presenta: Ánxel Álvarez Llano. Serviciu de Normalización Llingüística del Aytu. de Mieres.

 

Aula Abierta
10/10/2014

L'Institutu Asturianu d'Alministración Pública “Adolfo Posada” (IAAP) ufierta un nuevu programa formativu, abiertu y disponible pal conxuntu de la población y certificable pa personal emplegáu públicu de cualquier alministración o entidá pública.

Cualquier persona interesada pue acceder a los cursos d'esti programa, pero'l personal emplegáu públicu va poder llograr tamién, previa inscripción y superación d'un exame, el  correspondiente Certificáu d'Aprovechamientu de los aprendizaxes adquiríos.

Tolos cursos del programa fáense dende un ordenador con conexón a internet, tán agospiaos nuna plataforma Moodle y la so navegación ye senciella. Nestos momentos, hai un catálogu de 22 cursos de distintes materies que s'amplía mes a mes.

Pa llograr más información, puede consultar la páxina web del IAAP (www.asturias.es/iaap), nel apartáu señaláu col iconu de Formación Abierta.

 

Alcuentros
02/10/2014

 

Entama una nueva temporada del Club de Llectura n'asturianu del Atenéu de Turón, que cada mes va averar al centru turonés a destacaos autores de la lliteratura asturiana, que van compartir la so obra coles y los componentes Club de Llectura nun alcuentru abiertu al públicu en xeneral.
La inscripción pa esta nueva temporada va tar abierta hasta'l próximu 15 d'ochobre, siendo dafechu de baldre. Pueden realizase nel mesmu Atenéu de Turón o al traviés del Serviciu de Normalización Llingüística de Mieres, organizador de l'actividá (Tfnos. 985432710 / 985450666 / 984180237); mail: llingua@ayto-mieres.es
La llectura pa esti mes d'ochobre va ser Si'l temblor niega'l fríu, de Xurde Álvarez, tando programáu l'alcuentru col autor pal miércoles 29 d'ochobre a les 19'30h.

 

78 Registros encontrados.
<Página  1 | 2 | 3 | 4 | 5 | 6 | 7 | 8 | 9 | 10 | >>>